洪家手作 洪瑞珍三明治 (Closed)

喺台灣食過「洪瑞珍」三文治，每次都會去幫襯， 總覺得佢哋嘅沙律醬個味好特別，而且麵包好軟好新鮮。正！經過荃灣幾次，見到呢間「洪家手作」，都有嘗試嘅衝動，但覺得真係有啲貴。加上喺台灣見到呢間「洪家手作」，比人話係冒充「洪瑞珍」，所以就算我喺台灣都冇試過。喺台灣一份呢啲三文治，大約係35台幣，但而家呢度就賣22蚊一件。今日終於破戒。鬼叫我個朋友為食到死，死都話要試吓，結果就咁買咗一份share吓，買咗一份招牌火腿。唔知係咪因為先入為主，總覺得台灣嗰個沙律醬唔同啲，呢間嘅沙律醬好重牛油味好甜。麵包質地冇咁好食，感覺冇咁軟同新鮮，同喺普通麵包舖買嘅方包差唔多╮(￣▽￣”“)╭試咗一次夠㗎喇。