泰華餐廳

Open Now

Now Closed

已食完晚飯，約了朋友在沙田娛樂城交收些東西，交收完有啲肚餓，當然要揾宵夜食啦，娛樂城有5個地方有嘢食，而有宵夜食嘅就有泰華餐廳、沙龍會、新沙雀。揀咗泰華餐廳，見到晚餐($58)有忌廉湯，所以點咗焗葡汁海鮮飯，凍檸茶(+$2)，忌廉湯好稀，如果濃一些會好啲；焗葡汁海鮮飯，其實個葡汁幾香濃，不過啲海鮮係仿蟹柳、仿日式魚蛋、仿帶子，食落好似膠膠地，得炸魚柳比較似海鮮外，其實都炸得過火，幾鞋口，不過又係我呢個窮鬼衰，貪平點晚餐，下次都係點返咖哩穩陣啲。而飲品當然繼續點較早前從網上得知「甜飲全球每年殺18萬人，凍檸茶是兇手之一」成日害人不淺嘅兇手凍「檸茶」，今次呢杯飲料算夠凍，合格！