風彩餐廳

Open Now

Now Closed

話說之前有博客話香港無宵夜，但其實香港宵夜多到數唔哂，食完晚飯，去完佐敦辨點事，又係時候食宵夜了，經過廣東道近佐敦道，見到一間好光猛嘅餐廳，好似收凌晨三時，咁即刻入去食宵夜。點了正宗海南雞飯($58)，奉送明火例湯及油菜一碟，另可加凍熱飲，只加$7，我見到其他餐可跟忌廉湯、羅宋湯，多口問下可否轉忌廉湯，服務員諗咗兩秒，說可以，油菜點了菜心，另跟凍檸茶。先飲忌廉湯，是罐頭的忌廉湯，另加了大量罐頭切片磨菇，其實味道幾淡，不過我喜歡忌廉湯；菜心算爽脆，如多些蠔油更好；油飯加海南雞是分開上的，油飯做得算馬虎，味道還可以；海南鷄皮不算太肥，鷄肉夠嫩滑，如果可以起埋骨更好，不過正不正宗就.........而飲品當然繼續點較早前從網上得知「甜飲全球每年殺18萬人，凍檸茶是兇手之一」成日害人不淺嘅兇手凍「檸茶」，今次呢杯飲料也不夠凍，但茶味算夠濃，合格。