環亞機場貴賓室 (Closed)

申請左priority pass 咁耐，每次都最後半小時才入到禁區，每次經過lounge 都大排長龍，每次都冇時間入lounge。星期二的晚上9點來到，竟然唔使排隊直入。好感動，今次終於有機會入去試一試。呢度環境開揚清靜，無乜客人。其實都係快閃一下，主要想試一下呢到聞名已久的港式魚蛋粉。魚旦果然夠彈牙，湯底雖然平淡，可是經我調較之後，很好入口。但係比較細碗，肚餓的應該要起碼2碗先夠。其他食物都係淺嘗一下，蔬菜湯差得不值一提。沙律吧有少量選擇，而dressing 只有油醋汁，如能提供沙律醬會更好。這裡還有點心炒飯麵，甜品麭點，多款汽水，烏龍茶都有。比起經濟倉飛機餐來說，質素很是不錯。