忠孝東路

Open Now

Now Closed

忠孝東路，一聽就知道係台北街道嘅名字。雖然呢度嘅環境設計唔太感覺到有台灣特色，望落只係一間普通餐廳，但簡約木色系整體感覺係幾舒服嘅。因為朋友係食素嘅關係，我地點嘅菜式絕大部分都係非肉類。首先係台式皮蛋豆腐($45)豆腐入口非常嫩滑，配上溏心皮蛋同埋咸咸甜甜嘅醬汁一齊食非常開胃。滷水糖心蛋($28)蛋黃晶凝通透而且呈半流心狀，味道較甜。櫻花蝦爆包心菜($68)菜炒得十分香口，充滿鑊氣，惟整碟菜偏向多油。如果落少D油去炒感覺會light D健康D。香酥排骨湯麵($73)豬扒炸得金黃香脆，肉鬆軟，而且份量夠哂大。湯麵選用左較粗身嘅上海粗面，湯底非常清淡，配上香口嘅豬扒一齊食岩哂！好滿足嘅一餐