老街 (Moved) New Location

同阿爸出街食飯，黎左食台灣野，店不大，人很多，好彩早黎未洗等位，過一陣就要了。餐牌有不少選擇，主食有飯，湯麵，撈麵等，仲有大量小食，飲品，左睇右睇最後揀左下面呢幾樣。滷味切大腸（$28）滷得入味的大腸切成絲狀，方便入口，個滷水汁好正。滷味切豬耳（$26）豬耳比大腸有咬口，同樣滷得入味。紅燒牛肉麵（$58）牛肉炆得軟腍，入口無渣，湯底清甜不油膩，仲有個麵都好正，彈牙掛湯，正不正宗就不知了，但很對胃。鹽酥雞滷肉飯（$48）阿爸揀左鹽酥雞飯，滷肉賣哂轉左肉燥，都ok，個汁幾正，幾顆雞球炸得香口，飯份量很多，一般人絕對夠飽的。珍珠奶茶（+$12）自己點左杯珍珠奶茶，茶香奶滑，珍珠有彈Q，要求走甜的真的一點甜味都沒有，很好！台式凍咖啡（+$10）阿爸的凍啡，咖啡好香，少甜剛剛好。食物ok價錢合理，只是店有點迫，不適合一家大細了。