野川拉麵 (Closed)

有日同fd去元朗去到好夜，想搵地方食宵夜點知啲店舖已經開始close，行行下見到呢間，原來佢地開到凌晨兩點。門口望落就好有日本居酒屋feel。我地其實都唔太肚餓，淨係叫左啲小食，原來夜晚9點後酒精飲品第二杯半價，我地就叫左兩支梅酒。不得不讚，支梅酒好易入口酸酸甜甜好有梅味，好適合女仔飲。不過原來支酒都十幾％酒精，唔覺唔覺就會醉！我地叫左個雞泡魚乾同燒鵪鶉蛋送酒。燒鵪鶉蛋幾入味，不過幾細串，我個fd一啖就ko左！個雞泡魚乾真係好推介。配埋啲沙律醬同七味粉，好鮮味，送酒一流。夜晚人唔多，好靜好舒服，我地一路飲酒一路傾計傾到1點幾，原來香港都有好似日本居酒屋咁ge地方比人夜晚食下宵夜靜靜咁傾下計，真係好有深夜食堂feel！