龍川雲南米線

Open Now

Now Closed

🐽炸豬扒酸麻辣(小辣)米線 $45炸豬扒非常出色，脆口肉質嫩，唔乾身，夠哂林。米線份量充足，而且湯底好濃，唯獨酸味唔係太突出，但勝在辣中帶麻，叫小辣都夠哂辣，食到出哂汗，嗜辣之人表示非常過癮。🐽嫩雞柳海帶酸麻辣清湯米線 $45唔食得辣嘅朋友就力推呢個帶有微酸但唔辣嘅湯底，雖然嫩雞柳唔係太嫩但都唔算太乾太柴，勝在份量多。米線味精唔重，食完都唔覺得太口渴。🐽蒜泥白肉 $38白肉肥瘦均勻，入口即溶，好似韓式食法，每件白肉都會夾住一舊青瓜，中和番白肉嘅肥膩感，唯獨蒜味被豆瓣醬味搶左，多番啲蒜味會更加香口。