Video
Read full review
2020-10-13
3231 views
不經不覺之間，「無肉食」素食自助餐已經開了很多間分店，中環這間新店最特別的地方是全面「VEGAN」，即是所有菜式沒有雞蛋沒有牛奶沒有動物成分！溫馨提示，因為蔥蒜類都係植物，所以部分菜式可能會有五辛，如有需要可向店員查詢。無肉食中環店位於一個叫「My Central」的地方，上少少斜路就到，非常方便就腳。入面裝修好靚好骨子喎，帶少少日系禪風，就下角度影打卡相都無失禮。店內座位都幾多，食飯時間都差唔多坐滿架，但應該唔需要等位。這間分店採半自助模式，可以在餐牌上先選一個主食，價錢已經包左自助餐項目。雖然係半自助餐，食物選擇一點也沒有偷工懶料，特別適合一日一餐的朋友(即是我 XD)。主食菜式選擇非常多，價格由 HK$108至HK$148不等，全日免收加一，以中環價位來說 CP 值非常高啊。用餐時間限75分鐘，不過如果沒有人等位，一般都唔會趕人走既。店內仲有間獨立靚靚茶室。竟然唔係真。乾炒牛河 HK$118隆重推介這個純素乾炒牛河，我和肉肉子兩個人都食到停唔到口，它用了韓國牌子牛肉片，咬起來比真牛更軟嫩，個河粉亦都炒得夠鑊氣，仲食到少少焦香，牛河汁甜甜地幾惹味。(可以揀有洋蔥或無洋蔥)香脆墨西哥
不經不覺之間，「無肉食」素食自助餐已經開了很多間分店，中環這間新店最特別的地方是全面「VEGAN」，即是所有菜式沒有雞蛋沒有牛奶沒有動物成分！溫馨提示，因為蔥蒜類都係植物，所以部分菜式可能會有五辛，如有需要可向店員查詢。
無肉食中環店位於一個叫「My Central」的地方，上少少斜路就到，非常方便就腳。
入面裝修好靚好骨子喎，帶少少日系禪風，就下角度影打卡相都無失禮。
店內座位都幾多，食飯時間都差唔多坐滿架，但應該唔需要等位。
這間分店採半自助模式，可以在餐牌上先選一個主食，價錢已經包左自助餐項目。雖然係半自助餐，食物選擇一點也沒有偷工懶料，特別適合一日一餐的朋友(即是我 XD)。
主食菜式選擇非常多，價格由 HK$108至HK$148不等，全日免收加一，以中環價位來說 CP 值非常高啊。用餐時間限75分鐘，不過如果沒有人等位，一般都唔會趕人走既。
店內仲有間獨立靚靚茶室。
竟然唔係真。乾炒牛河 HK$118
隆重推介這個純素乾炒牛河，我和肉肉子兩個人都食到停唔到口，它用了韓國牌子牛肉片，咬起來比真牛更軟嫩，個河粉亦都炒得夠鑊氣，仲食到少少焦香，牛河汁甜甜地幾惹味。(可以揀有洋蔥或無洋蔥)
香脆墨西哥牛牛玉米餅 HK$108
這個墨西哥餅用了gardein 碎牛肉，味道也走甜甜路線，中間亦混了此玉米增添口感。個墨西哥玉米餅幾脆口，上面白色的可能係扮sour cream，不過味道不會酸，反而有少少沙律醬感，質地比較稀，整個吃起來都幾爽。
「無肉」漢堡配薯角 HK$128
這邊很多醬料以至麵包都係自家製作，確保唔會有動物成分，而且都做得幾有心機，漢堡包上面仲有幾粒南瓜籽點綴幾可愛。漢堡排不是採用一般素排，而係自家製超厚炸豆腐排，配一個少少日式感燒烤汁，再加上純素芝士，整個吃起來都幾新醒神，配埋厚切薯條和沙律份量澎湃，食完主餐差點吃不下自助餐的部分。
自助餐項目非常多，由時蔬、炸物、冷盤前菜、中西湯到甜品糖水，真係花多眼亂不知從何吃起。
時蔬類係當季蔬菜，採用不同煮法，除了綠色也有其他顏色的蔬菜，平日出街食或者懶得煮食唔夠菜，來這邊一餐就補足返晒，正。
炸物只有幾款，包括我最鍾意的炸豆腐、好耐無食過的煎堆仔還有中間竟然係咖喱薯仔的春卷。
必試的還有這個自家製純素XO醬，平時食素自助餐都好少見。
冷盤係中日韓式混合，個豆芽同牛蒡好似我去韓國寺廟食的醬菜，黑木耳有花椒八角香但一點不辣，烤南瓜番茄沙律竟然有純素芝士條，綠茶冷麵汁當然係自家調製，都幾用心製作。
我覺得最特別係這個涼拌苦瓜，苦瓜先川燙過，拌入柚子和梅子，吃起來有苦瓜的甘香加上酸酸甜甜，非常清爽清新。
純素甜品都有幾款揀，朱古力蛋糕很香濃朱古力，口感也鬆軟；有少少像春卷皮的撻仔，中間係唔甜的粟子餡，又幾有趣；仲有唔係用碗裝住的砵仔糕。
另外仲有每日中西湯品、紫米露糖水和自家製豆腐花，飲品除了清水之外，也有菊花桂圓杞子茶和洛神花茶，兩個都幾養生幾吸引，我就鍾意飲菊花茶。
自家製桶仔豆腐花都幾值得一試，口感夠晒嫩滑，仲可以配黃糖和紅豆醬，唔會太甜幾清新。
晚市同樣係自選主菜再加自助餐，同樣全面VEGAN，約親朋好友一齊食素都幾開心。
以後在中環不知道吃甚麼好，我都會行過來無肉食食純素自助餐啦！
Post
