Video
Read full review
2021-04-26
333 views
素食薄餅超好食的 Pizza Express 原來已經在港開業20周年，慶祝生日除了推遊戲送出全年薄餅通行証，亦從意大利帶來西西里美食，到底這個地中海城市的餐點有何特色？來吃一次就一清二楚！中環威靈頓街這間 Pizza Express 我成日都經過，今次先第一次行入去食，店外面有好 Chill 的半戶外座位，應該好多外國人鍾意坐那邊 Happy Hour。這個植物牆影打卡相都OK架。行入去原來仲有好多座位，輕輕上幾級樓梯，桌椅都幾多色彩。靠窗都有一排卡位座椅。幾個月無來食，原來推出左 Vegan Menu，唔知其他分店有無呢？午市來吃飯，點主菜送沙律/麵包球和飲品，飲紅白酒都可以，又幾抵食喎。Pizza Express 帶食客踏上意大利美食之旅，第一站來到意大利最大的島嶼「西西里島」，被譽為地中海的瑰寶，菜式都充滿陽光海洋的感覺。這個西西里特色菜單於全線 Pizza Express 分店供應，一直到8月都有得食。叫了兩個主菜，所以免費送一份沙律一份麵包球，沙律簡簡單單都有多種沙律菜、青瓜和車厘茄，麵包球都一如平常好食。飲品揀了茶和果汁，餐茶不是用茶壺上，但店員都有幫我 refill 熱
素食薄餅超好食的 Pizza Express 原來已經在港開業20周年，慶祝生日除了推遊戲送出全年薄餅通行証，亦從意大利帶來西西里美食，到底這個地中海城市的餐點有何特色？來吃一次就一清二楚！
中環威靈頓街這間 Pizza Express 我成日都經過，今次先第一次行入去食，店外面有好 Chill 的半戶外座位，應該好多外國人鍾意坐那邊 Happy Hour。
這個植物牆影打卡相都OK架。
行入去原來仲有好多座位，輕輕上幾級樓梯，桌椅都幾多色彩。
靠窗都有一排卡位座椅。
幾個月無來食，原來推出左 Vegan Menu，唔知其他分店有無呢？
午市來吃飯，點主菜送沙律/麵包球和飲品，飲紅白酒都可以，又幾抵食喎。
Pizza Express 帶食客踏上意大利美食之旅，第一站來到意大利最大的島嶼「西西里島」，被譽為地中海的瑰寶，菜式都充滿陽光海洋的感覺。這個西西里特色菜單於全線 Pizza Express 分店供應，一直到8月都有得食。
叫了兩個主菜，所以免費送一份沙律一份麵包球，沙律簡簡單單都有多種沙律菜、青瓜和車厘茄，麵包球都一如平常好食。飲品揀了茶和果汁，餐茶不是用茶壺上，但店員都有幫我 refill 熱水一次。
西西里風味沙律 (素菜款式) 港幣$128
我覺得這個沙律最特別之處是辣得好醒神，入面的青辣椒唔係得個樣。沙律有西柚、鮮橙、香草菲達芝士、橄欖、洋蔥、青辣椒、火箭菜、羅勒和薄荷，材料都幾豐富，配搭起來口味清新有趣。
一方面有辣辣的青椒，但同時又有清甜的香橙和西柚，味道可以平衡返。
辣茄子薄餅 (素菜款式) 港幣$138
我很喜歡吃茄子，所以見到薄餅和意粉都有茄子勁開心，原來西西里人都好鍾意用茄子入菜。又大又薄又脆的羅馬餅底上面有茄子、醃辣甜椒、墨西哥辣椒、烤燈籠椒、洋蔥、橄欖、車厘茄、馬蘇里拉芝士、提子乾和松子仁，吃起來都有少少辣味，中間又咬到香氣十足的松子仁，材料豐富幾有特色。
茄子番茄寬條麵 (素菜款式) 港幣$118
這個茄子意粉的靈魂絕對係軟芝士，半溶化的芝士混合番茄醬再配意粉超好食，我差唔多食晒全碗。
松露雪糕 HK$58
甜品試試這個新推出的松露雪糕，白色那球雪糕本身是雲呢拿味，上面加了松露鹽和松露油，所以吃起來香氣十足，原來松露配雪糕都幾好食。
喜歡吃意大利菜十個有九個都常去 Pizza Express，不妨就約朋友試下新西西里餐牌，順便參加遊戲睇下贏唔贏到個全年通行証日日食薄餅。
Post
