Video
Read full review
2021-12-09
2337 views
上次去隔壁的 Sofi Coffee 飲咖啡，見到這間每個細節都叫人驚嘆的古道具咖啡店 Yukkuri，店內所有傢俬器物都係珍品，可以見到店主執著於每個小細節。入面有用餐區可以喝日本茶和純素甜品，蛋糕由 Sow Vegan 主理有信心保證。之前經過見到個門口都唔知入面賣乜，在窗口望入去見有餐具之類賣就推門進去。一行入去絕對係眼前一亮，下巴都跌落地下，香港竟然有咁靚的地方，而且佢係真日本古道具，唔係扮野砌出來呃影相果種。櫃子和餐具當然都靚，更值得留意的還有老闆之陳列手法，入面係有學問的。周圍隨手影都好靚，非常欣賞。環境咁靚都唔少人來影打卡相，這天就見到個女人每個位都影勁耐，好認真啊！除了影相之外，記得花少少時間認真望清楚店內事物。餐具、香、紗巾、茶等等都係賣的。這個位有點中東埃及風，我覺得佢地的牆身和地板都好襯個空間好靚。入面有個用餐的空間，平日可以walk-in，我這天是12點零鐘入去，完全不用等位。周末的話可以預先在網上訂位啊。星期五至日訂座連結：https://inline.app/booking/kowlooncity/yukkuri這裡沒有咖啡飲，只有日本茶，我見最多人叫杯焙茶
上次去隔壁的 Sofi Coffee 飲咖啡，見到這間每個細節都叫人驚嘆的古道具咖啡店 Yukkuri，店內所有傢俬器物都係珍品，可以見到店主執著於每個小細節。入面有用餐區可以喝日本茶和純素甜品，蛋糕由 Sow Vegan 主理有信心保證。
之前經過見到個門口都唔知入面賣乜，在窗口望入去見有餐具之類賣就推門進去。
一行入去絕對係眼前一亮，下巴都跌落地下，香港竟然有咁靚的地方，而且佢係真日本古道具，唔係扮野砌出來呃影相果種。
櫃子和餐具當然都靚，更值得留意的還有老闆之陳列手法，入面係有學問的。
周圍隨手影都好靚，非常欣賞。
環境咁靚都唔少人來影打卡相，這天就見到個女人每個位都影勁耐，好認真啊！
除了影相之外，記得花少少時間認真望清楚店內事物。
餐具、香、紗巾、茶等等都係賣的。
這個位有點中東埃及風，我覺得佢地的牆身和地板都好襯個空間好靚。
入面有個用餐的空間，平日可以walk-in，我這天是12點零鐘入去，完全不用等位。周末的話可以預先在網上訂位啊。
星期五至日訂座連結：
https://inline.app/booking/kowlooncity/yukkuri
這裡沒有咖啡飲，只有日本茶，我見最多人叫杯焙茶黑芝麻飲。麵包蛋糕大部分都係純素，亦有拼盤可以一次過試幾款。
入面每一間木檯木椅都勁靚，張檯好好摸 XD
總共有2張四人檯、5張二人檯。
坐低份餐牌係黑底白小字，完全係夜視能力大考驗，你有無食夠維他命A呀？
季節茶品(熱) HK$50
熱飲只有兩款，因為不想要蜂蜜所以揀了這個玄米抹茶，成套茶具好靚，仲可以加熱水回沖幾次，茶當然都很香醇。
忌廉夾心麵包 HK$45
成個餐牌我最想食就係這個純素忌廉bun，入面的忌廉好流動好萌。暖暖的純素 Broiche 麵包又軟又香，忌廉滑溜如果可以再多一點就好了 XD。
白川 HK$75
食完個忌廉麵包仲未飽，咁就加多件蛋糕，這裡的純素蛋糕跟 Sow Vegan 合作，賣相和味道俱佳。我見大部分人都叫這個白川，本來覺得檸檬塔配栗子蓉有點奇怪，不過食落又OK。上面果三塊係帶薑味的焦糖脆片，甜度蠻高要配晒其他野一齊食先balance架。
隔離檯兩個女人叫完野食去影相影左勁耐，所以偷影一張，麵包定食和甜點定食大概係咁樣。甜點定食蠻細粒的，一個人都可以KO無難度。
竟然可以在咁古色古香咁有風味的空間吃純素甜點，我覺得非常有趣，可以約朋友去吃吃啊。
Post
