Video
Read full review
2020-07-10
822 views
去開九龍灣拍片，順路就來「參觀」一下最新的無印良品「超級廣場」，又真係好大好多野睇喎。這天早上11點零未夠12點到達，直行入 Cafe 唔洗等位，仲以為都唔係好多人丫，結果坐低無耐外面就開始有人龍。這間 Cafe & Meal Muji 的菜單其實跟其他分店一樣，純粹係換個地方食。點餐方法有幾款，可以用手機掃 QR code 網上點餐用信用卡付款，現場也有自助點餐機可以用八達通俾錢，另外也可以很原始地到櫃台點餐。可能太早去到，八達通點餐機仲未準備好，手機點餐又好似有少少難用(我是低科技老人..囧)，最後都係行出去櫃台落單。 三品料理套餐 HK$98因為計劃吃甜品，所以正餐選三品料理，餐牌上面有「小葉子」標記的就是素食，佔的比例也蠻多。我揀了「北海道粟米厚燒玉子」、「紫薯青蘋果沙律」和「黑木耳醬烤茄子」，套餐另外有附白飯/十六榖飯/麵包和麵豉湯。無印的食物都係清淡日式口味，簡簡單單咁有少許家常感。我覺得個黑木耳醬烤茄子幾有驚喜，仲諗個黑木耳醬唔知有無得一樽咁買，不過係無既。 伯爵紅茶戚風蛋糕 HK$38無印的蛋糕甜品算CP值高，大部分都HK$40樓下，平過去好多Cafe食。因為全部個樣都
去開九龍灣拍片，順路就來「參觀」一下最新的無印良品「超級廣場」，又真係好大好多野睇喎。
這天早上11點零未夠12點到達，直行入 Cafe 唔洗等位，仲以為都唔係好多人丫，結果坐低無耐外面就開始有人龍。這間 Cafe & Meal Muji 的菜單其實跟其他分店一樣，純粹係換個地方食。
點餐方法有幾款，可以用手機掃 QR code 網上點餐用信用卡付款，現場也有自助點餐機可以用八達通俾錢，另外也可以很原始地到櫃台點餐。可能太早去到，八達通點餐機仲未準備好，手機點餐又好似有少少難用(我是低科技老人..囧)，最後都係行出去櫃台落單。
三品料理套餐 HK$98
因為計劃吃甜品，所以正餐選三品料理，餐牌上面有「小葉子」標記的就是素食，佔的比例也蠻多。我揀了「北海道粟米厚燒玉子」、「紫薯青蘋果沙律」和「黑木耳醬烤茄子」，套餐另外有附白飯/十六榖飯/麵包和麵豉湯。
無印的食物都係清淡日式口味，簡簡單單咁有少許家常感。我覺得個黑木耳醬烤茄子幾有驚喜，仲諗個黑木耳醬唔知有無得一樽咁買，不過係無既。
伯爵紅茶戚風蛋糕 HK$38
無印的蛋糕甜品算CP值高，大部分都HK$40樓下，平過去好多Cafe食。因為全部個樣都好靚，所以我揀左好耐，最後要左伯爵紅茶戚風蛋糕。蛋糕好香伯爵茶味，唔算濕潤又未至於好乾，中規中矩啦，配埋個好輕滑的cream都唔錯既。
食完行下睇下有咩買，麵包部人頭湧湧，好多唔同的日本style麵包賣，我自己最鍾意就係有色彩繽紛蔬菜這種包。麵包部隔離賣咖啡，產地直送豆子，可以飲手沖咖啡或者意式咖啡，好似係用紙杯既，不仿自備杯子。除了坐低食，原來都有便當、三文治和沙律等輕食可以買走，其中一款便當係素食。
另外，我覺得 Chaya無麩質料理包系列幾有趣，它是無肉、無蛋、無乳製品、無白砂糖又無化學調味，純素者都可以食，口味仲幾多添。
素食產品推薦仲有豆乳拉麵和豆乳蒟蒻麵之類，如果要買植物奶、無糖早餐麥片都有唔少選擇，仲有日本米和茶葉呢，好生活品味咁樣。
不過最後我係買左對鞋，原來Muji仲做緊特價，買衫買鞋都有折喎，我對草鞋有六折，幾抵。
Post
