Video
Read full review
2022-05-02
30 views
大角咀利奧坊原來開左好多新奇食肆，平時唔特登行過去都唔會發覺。這間裝修充滿未來感的外賣漢堡店 The Engine，主打生酮漢堡，當中仲竟然有一款素食之選，想要健康減脂的朋友又多個好選擇。The Engine 位處利奧坊地下，唔算在大街之上，要識路先識行過去食。入面係未來車房Style的裝修，點餐都好先進，除了現場用點餐機，亦可以預先用手機在網上點餐，揀埋幾點去取餐，非常方便。菜式主打生酮漢堡，小食和飲品全部都係低碳水系列，方便健康減脂人士。店內仲有好有型的打卡位，店內沒有坐低食的坐椅，頂多只能立食。我先用手機點好餐，再行過去拎，包裝簡約都有少少設計。大啡菇生酮素漢堡 HK$88 / 天貝薯條 HK$38店內漢堡全部用自家製生酮麵包，外型似扁身的圓麵包，唔算好有彈性，不過就好香牛油味，同埋好多黑色粒粒亞麻籽定奇亞籽可以咬下。揭開麵包見到大啡菇上面釀左幾粒核桃，仲有香氣十足的青醬，配料仲有生菜、番茄、青瓜和洋蔥等，食完好飽味道都唔錯，不過感覺始終都唔似真係食漢堡。天貝薯條是非常良好的蛋白質來源，天貝外面不是脆漿，我諗係生酮麵包糠加亞麻籽之類，一邊食一邊跌到成檯都係，食完要吸塵。天貝條附個
大角咀利奧坊原來開左好多新奇食肆，平時唔特登行過去都唔會發覺。這間裝修充滿未來感的外賣漢堡店 The Engine，主打生酮漢堡，當中仲竟然有一款素食之選，想要健康減脂的朋友又多個好選擇。
The Engine 位處利奧坊地下，唔算在大街之上，要識路先識行過去食。
入面係未來車房Style的裝修，點餐都好先進，除了現場用點餐機，亦可以預先用手機在網上點餐，揀埋幾點去取餐，非常方便。
菜式主打生酮漢堡，小食和飲品全部都係低碳水系列，方便健康減脂人士。
店內仲有好有型的打卡位，店內沒有坐低食的坐椅，頂多只能立食。
我先用手機點好餐，再行過去拎，包裝簡約都有少少設計。
大啡菇生酮素漢堡 HK$88 / 天貝薯條 HK$38
店內漢堡全部用自家製生酮麵包，外型似扁身的圓麵包，唔算好有彈性，不過就好香牛油味，同埋好多黑色粒粒亞麻籽定奇亞籽可以咬下。揭開麵包見到大啡菇上面釀左幾粒核桃，仲有香氣十足的青醬，配料仲有生菜、番茄、青瓜和洋蔥等，食完好飽味道都唔錯，不過感覺始終都唔似真係食漢堡。
天貝薯條是非常良好的蛋白質來源，天貝外面不是脆漿，我諗係生酮麵包糠加亞麻籽之類，一邊食一邊跌到成檯都係，食完要吸塵。天貝條附個醬唔太似茄汁，有少少甜少少酸少少辣咁樣。
估唔到大角咀都有生酮漢堡食，減緊肥的素食者記得mark低啦。
Post
