素味牽 (Closed)

行去黃金商場買電腦野，順便在附近吃個午飯，想起好久沒吃素味牽又去食下。除了自選兩款素菜套餐之外，原來仲有素食鍋喎，見到麻油雞好想食就試一鍋。素味鍋 (麻油雞+素魚腐)(麻辣湯) HK$64素味鍋有三款主菜可以揀，價錢包一個選擇，加十蚊就再多一款。湯底可以揀清湯、酸辣湯或麻辣湯，辣度亦可以調節，真係好自由的一間素食餐廳。我揀左麻辣湯小辣，吃起來辣度剛剛好，麻油雞薑味十足好似幾補身。鍋入面仲有粉絲、金菇、菜、黑木衣、菇片、番茄、粟米粒、半熟蛋和白蘿蔔，吃起來非常豐富！有隻半熟蛋又幾開心喎！成個鍋份量好足，仲有咁多款蔬菜配料！在深水埗想搵平價飽肚快餐，記得mark低素味牽啦。