Video
Read full review
2020-10-24
1301 views
星期六下午要去銅鑼灣上堂，梗係要在附近食個靚飯先啦。原來禮頓中心有 Sensory Zero 我一直都唔知，佢地有一版素食餐版，選擇都幾多，如果想飲靚咖啡食日本飯真係一個唔錯的地方。咖啡店原來在 SASA 入面，我完全唔知，在禮頓中心外面兜左成個圈再返轉頭先搵到。在SASA門口搭扶手電梯上一樓就見到，原來都幾大間，仲驚無位添。入面宜家間開左兩個範圍，我諗都係同疫情有關架。店員得幾個都幾繁忙，我見咖啡師要做埋收銀，另外兩個店員就only落單和傳餐。無肉之選有一大版，放在MENU最後，素食者可以直接揭來這版一目瞭然。特別要留意返供應時段，部分菜式午市無供應。餐點有麵包、意粉、飯和沙律等無肉牛角包和早午餐就只在早上和下午茶/晚市供應，我都幾想試下有貓貓多士的早午餐。假日有這款套餐，如果有埋湯和沙律可以揀，價錢同我單點一個飯和奶啡係一樣既。植物奶拿鐵 HK$45 + HK$5這邊的咖啡非常有名，所以一定要飲既，另外佢地有個痴線朱古力都好受歡迎。不過今次來想順便支持下 PETA’s Coffee for Cats 活動，點植物奶咖啡餐廳會捐錢去 PETA，有得飲有得做善事一舉兩得。我堅唔_係韓牛
星期六下午要去銅鑼灣上堂，梗係要在附近食個靚飯先啦。原來禮頓中心有 Sensory Zero 我一直都唔知，佢地有一版素食餐版，選擇都幾多，如果想飲靚咖啡食日本飯真係一個唔錯的地方。
咖啡店原來在 SASA 入面，我完全唔知，在禮頓中心外面兜左成個圈再返轉頭先搵到。
在SASA門口搭扶手電梯上一樓就見到，原來都幾大間，仲驚無位添。
入面宜家間開左兩個範圍，我諗都係同疫情有關架。店員得幾個都幾繁忙，我見咖啡師要做埋收銀，另外兩個店員就only落單和傳餐。
無肉之選有一大版，放在MENU最後，素食者可以直接揭來這版一目瞭然。特別要留意返供應時段，部分菜式午市無供應。餐點有麵包、意粉、飯和沙律等無肉牛角包和早午餐就只在早上和下午茶/晚市供應，我都幾想試下有貓貓多士的早午餐。
假日有這款套餐，如果有埋湯和沙律可以揀，價錢同我單點一個飯和奶啡係一樣既。
植物奶拿鐵 HK$45 + HK$5
這邊的咖啡非常有名，所以一定要飲既，另外佢地有個痴線朱古力都好受歡迎。不過今次來想順便支持下 PETA’s Coffee for Cats 活動，點植物奶咖啡餐廳會捐錢去 PETA，有得飲有得做善事一舉兩得。
我堅唔_係韓牛牛肉飯 HK$128
餐廳有用新豬肉和韓國植物牛肉兩個產品，這款韓國素牛肉片口感係好神似，我都幾鍾意食。牛肉飯的牛肉多過飯，鑑於個植物牛肉片零售都唔平，我諗這個份量都已經要4、5 十蚊，配埋嚴選的日本米和醬汁，食完非常滿足！我覺得汁可以再多少少，不過已經好好食勒。
我部 iphone6S 在 iphone12 上市前壽終正寢，真係開都開唔返果隻，所以我「被逼」要換最新潮的手機，個相機鏡頭又真係幾靚，室內燈光都影到素牛肉片的紋路，有興趣換手機的朋友可以先參考看看。
Sensory Zero 算係高級咖啡店，食個飯飲杯咖啡連埋加一，一個人要二百蚊先出到門口，我覺得都幾高消費，間唔中先可以食下。
Post
