Video
Read full review
2020-02-25
275 views
Tea Hub，顧名思義，係一間以茶為主題嘅cafe，啱哂我呢個茶精。好記得第一次幫襯係前年中秋節翌日，當時人生第一次入廠，瞓咗一晚明愛，第二日被醫生強迫食埋個午餐先准出院，點知行唔夠兩個街口，開始又覺得肚空空，剛巧經過 Tea Hub，結果就走咗入去再食過😆。呢度裝修簡約，食物賣相精緻，走日式文青 cafe 風格。推薦茶食套餐，包括前菜，主食及飲品。前菜我揀咗伯爵茶薯蓉，味道非常獨特，身為伯爵茶 fans 嘅我就覺得好滿意。主食四揀二，我哋剛好兩個人，於是就揀哂四樣：柚子蜜漬蝦仁，生姜甜煮雞翼，和風燒南瓜及小茴炸雜菜球配洛神花醬，個人覺得蝦仁同南瓜較為出色，兩者都又香又甜，很不錯。另外我又揀咗茶湯冷麵，雖然味道比較清淡，但湯底嘅茶味都幾香，再配埋較濃味嘅餸一齊食，其實剛剛好。最後就係個冷泡茶，絕對又係身為超級茶控嘅我嗰杯茶😆。除咗做食肆，呢度又會參與社區事務，例如同藝術團體合作搞展覽同工作坊，甚至係認識社區嘅導賞團。我本身喺附近住過一年，所以好鍾意佢哋個青山道 303 號唐樓展覽，因為我覺得呢幢非常罕有嘅弧形唐樓好靚，可惜始終保唔住，即將面臨清拆😢。香港政府從來都唔重視保育，彷彿想抹
呢度裝修簡約，食物賣相精緻，走日式文青 cafe 風格。推薦茶食套餐，包括前菜，主食及飲品。前菜我揀咗伯爵茶薯蓉，味道非常獨特，身為伯爵茶 fans 嘅我就覺得好滿意。主食四揀二，我哋剛好兩個人，於是就揀哂四樣：柚子蜜漬蝦仁，生姜甜煮雞翼，和風燒南瓜及小茴炸雜菜球配洛神花醬，個人覺得蝦仁同南瓜較為出色，兩者都又香又甜，很不錯。另外我又揀咗茶湯冷麵，雖然味道比較清淡，但湯底嘅茶味都幾香，再配埋較濃味嘅餸一齊食，其實剛剛好。最後就係個冷泡茶，絕對又係身為超級茶控嘅我嗰杯茶😆。
除咗做食肆，呢度又會參與社區事務，例如同藝術團體合作搞展覽同工作坊，甚至係認識社區嘅導賞團。我本身喺附近住過一年，所以好鍾意佢哋個青山道 303 號唐樓展覽，因為我覺得呢幢非常罕有嘅弧形唐樓好靚，可惜始終保唔住，即將面臨清拆😢。
香港政府從來都唔重視保育，彷彿想抹去香港人的所有記憶，強行構建一個無根，無情嘅社會。
Post
