人和荳品廠 (Moved) New Location

夜媽媽收工想食甜嘢，就嚟咗呢間人和荳品廠，諗住食碗豆腐花就返屋企啦，點知同朋友一坐低，見到個老師傅喺度煎緊豆腐，又忍唔住嗌咗一碟魚肉釀豆腐，食緊途中見到幾多 國內同胞幫襯，價錢嚟講~喺銅鑼灣區算係好抵食，座位方面不過不失啦，硬櫈為主。好就好在~伙計唔會趕你走，畀你慢慢坐。朋友見剩係豆腐花好似平凡咗啲，就叫了芝麻糊豆腐花，我試咗一啖味道都唔錯，不過我都係比較喜歡最純正嘅豆腐花，仲要落勁多黃糖， 超好食。一邊食一邊睇住老師傅煎豆腐，確實別有一番風味