德成號

Open Now

Now Closed

上星期六在北角德成號，買咗一盒400g 家鄉雞蛋卷，到今日7月1日放假先得閒開黎食。無透明膠紙包裝，直接打開蓋就可以食啦。睇落每一條雞蛋捲個形狀都唔一樣，家人說應該可能係人手包嘅，而雞蛋卷身比較細長、亦都冇咁厚身，顏色上都比較深色，唔知係咪同佢地製作既火候有關係。食落牛油味比較少，蛋味比較濃，口感都唔錯。對我來說，都是覺得比較甜，營養資料上每一百克糖分的確比其他雞蛋卷高，此德成號雞蛋卷每一百克有35.5克糖，比我家另一牌子雞蛋卷每一百克只有26.9克的糖高不少。另外，我都建議買左無耐都立刻食，怕此盒包裝不緊，容易受潮。包裝上面標明是香港製造，沒有含防腐劑，用植物油製造。今次我買嘅家鄉雞蛋卷有效期係三個月，到9月26號先到期。而$100先一盒雞蛋卷真心唔算抵食。