香港小熊

Open Now

Now Closed

今個週末準備返大陸探親戚，唔想兩梳蕉，所以諗緊買啲乜嘢送俾佢哋。啱好佢哋有小朋友，所以諗住買兩盒有香港特色嘅小熊曲奇做手信。去咗小熊港式曲奇，環境真係好靚呀！成間鋪都佈置得好有格調，充滿住可愛嘅小熊元素，影相打卡一流！簡直係手信控嘅天堂！講返個主角——曲奇！我買咗幾款口味，自己都有買一盒試吓，每一款都做得好好！餅身鬆化，入口即溶，唔會太甜膩，啱晒我呢啲鍾意食少甜嘅人。同埋我本身都好怕太油膩。最鍾意係佢哋嘅牛油味，好香濃，而且每一塊曲奇都非常新鮮，食得出用料十足！值得一提係，店員同我介紹呢啲曲奇餅係香港製造，主要原料大多由外國進口，質素有保證！送禮好睇，又唔會太貴。