營豐海南雞專門店 (Closed)

我去到邊都一定要食海南雞，無論去到新加坡、泰國定係香港都好我每個月都至少食一次海南雞飯！所以前日我都特登走咗去鰂魚涌呢一間專賣海南雞飯嘅外賣店舖，門店睇落去好乾淨，而且都見到好多街坊都有買開呢間。而且店舖嘅老闆個人覺得好有禮貌，同啲街坊都有傾有笑咁！餐牌上面嘅款式數量算多，而且全部都明碼實價，佢仲可以一磅一磅咁買啲泰式豬腳鳳爪添！最後我就嗌咗個海南雞配油飯啦！首先講吓佢嘅油飯份量都好多，我覺得都至少有一碗半至兩碗飯嘅份量，食完之後一定夠飽，飯都唔會話好油，值得一讚！而佢海南雞嘅份量睇張相都覺得多啦去骨之餘，而且雞皮唔會太肥，雞肉非常嫩滑而且厚身！