富士山 (Closed)

好耐冇嚟到銅鑼灣，今日嚟到金百利廣場搵食。上到嚟7樓見到有一間新開嘅日本餐廳叫富士山，見到裝修都幾靚，好有居酒屋feel，所以就決定入嚟試一試。而且最近新開張有優惠，凡係惠顧二人餐同四人餐，都會享有八五折。油甘魚黑松露日薄造刺身落落好有口感，加上黑松露，味道變得好豐富。蟹肉蟹膏甲羅燒成個爐甘上，上面有用蟹殻裝住蟹肉同蟹膏，蟹既香味一邊煮一邊散出黎，好香。燒好左既蟹肉蟹膏再鋪滿法包上面黎食，簡直一流。富士山丼好豐富既一個魚生飯，上面有三文魚、油甘魚、吞拿魚、蝦、海膽等等。食材好新鮮，好鮮甜，而且個丼既飯係用珍珠米黎整，好食。黑豚涮涮鍋豬骨湯底，有豚肉、菇、菜、烏冬可以食。一開始落菜先，等個湯甜d。再放肉，品嘗黑豚肉既肉質。最後再加上烏冬，記得落埋七味粉，簡直完美。蟹肉忌廉餅點埋d汁黎食，幾特別，吾錯。