Video
Read full review
2020-02-27
402 views
自從喺台灣食過洪瑞珍三文治之後， 一直對佢念念不忘， 然後有次朋友飛台灣， 就叫佢帶洪瑞珍返嚟畀我當手信， 都係咁好味， 但自此以後就冇機會再食。今次經過觀塘， 見到有個廣告牌係洪瑞珍三文治， 仲以為自己眼花睇錯， 之後即刻毫不猶豫去咗買，22蚊1件，買3件就60蚊，平均20蚊一件。 由於之前食過覺得滿漢係最好食， 所以今次都係買咗滿漢， 其實店員有推介我其他口味， 佢話藍莓起司都唔錯， 但我今次就無試到，下次可以一試既。番到屋企， 急不及待就要品嚐喇， 係久違又熟悉嘅味道啊， 都仲係一樣咁好味， 麵包非常軟， 有種入口即溶嘅感覺，一咬就化， 其實佢嘅用料好簡單好普通， 就係白麵包、起司、火腿 、奶油， 但唔知點解就係咁好食， 佢嘅奶油好香， 比其他奶油相對甜一啲， 但又唔係好甜嗰種， 可能因為咁好調到味，覺得好食。每一件都有四塊白麵包， 平時嘅三文治會係分開兩件食， 但佢四塊其實係同一件， 因為佢有三層都有料， 每層都係唔同嘅配料， 平時如果四塊麵包一齊咬， 可能會覺得好乾好硬， 或者好難下嚥， 但正如我上面所講， 由於佢嘅麵包好軟， 就唔會有呢個問題。美中不足嘅係，我覺得份量相對比
今次經過觀塘， 見到有個廣告牌係洪瑞珍三文治， 仲以為自己眼花睇錯， 之後即刻毫不猶豫去咗買，22蚊1件，買3件就60蚊，平均20蚊一件。 由於之前食過覺得滿漢係最好食， 所以今次都係買咗滿漢， 其實店員有推介我其他口味， 佢話藍莓起司都唔錯， 但我今次就無試到，下次可以一試既。
番到屋企， 急不及待就要品嚐喇， 係久違又熟悉嘅味道啊， 都仲係一樣咁好味， 麵包非常軟， 有種入口即溶嘅感覺，一咬就化， 其實佢嘅用料好簡單好普通， 就係白麵包、起司、火腿 、奶油， 但唔知點解就係咁好食， 佢嘅奶油好香， 比其他奶油相對甜一啲， 但又唔係好甜嗰種， 可能因為咁好調到味，覺得好食。
每一件都有四塊白麵包， 平時嘅三文治會係分開兩件食， 但佢四塊其實係同一件， 因為佢有三層都有料， 每層都係唔同嘅配料， 平時如果四塊麵包一齊咬， 可能會覺得好乾好硬， 或者好難下嚥， 但正如我上面所講， 由於佢嘅麵包好軟， 就唔會有呢個問題。
美中不足嘅係，我覺得份量相對比較少， 因為佢嘅麵包好軟好輕， 有種入口即化嘅感覺， 所以同樣亦都有種食咗好似冇食嘅感覺， 我就要食兩個先勉強有啲飽感，但兩個就要四十幾蚊，其實一件廿二蚊個人都已經覺得比較貴。
PS 我覺得佢嘅位置比較隱蔽， 比較難搵到， 因為就咁經過係唔會見到， 如果唔係咁啱留意廣告牌都唔會發現到， 如果開係當眼啲嘅位置會更好， 因為我想繼續喺香港可以食到。
價錢我覺得相對比較貴， 所以應該都會隔好耐時間先買一次。
Post
