洪瑞珍 (荷里活廣場)

Open Now

Now Closed

有一年係台灣，有朋友叫我買黎帶返香港俾佢食。我話三文治帶返黎，應該好多菌吧，咁麻煩，拒絕了，哈哈。而且心諗，有冇咁好味要特登係台灣帶舊三文治返黎呀。自己係現場買左件，omg, 又真係好好味呀！之後每次去台灣都會特意買黎食。有人話黎左香港冇咁好食，我倒不覺得。今日經過荷里活，見到有，揀咗一個經典款，再加一個斑蘭味。滿漢口味就口感比較好有少少咸有點甜嘅感覺，味道比較豐富；斑斕味就比較單一甜嘅味道，雖然佢話有椰子，但係我又唔係好覺得食到椰子嘅味道，但整體甜甜地既感覺我還是可以的。聽店員講大部分材料是台灣入黎的。再加上我見到佢話買三文治可以用$15買一個保溫袋，我見到個保溫袋個設計比較可愛，肥肥地，而且紅色嘅設計都比較漂亮，就有少少忍不住為了想要個袋，而買三文治的感覺，呵呵呵。