雪下覓炙

Open Now

Now Closed

尖沙咀嘅韓式高級燒肉店「雪下覓炙」，新出冬雪松露美饌Winter Truffle Feast，以松露、和牛設計出一系列燒肉套餐，而家香港都食到松露燒肉喇！韓式燒烤，當然唔少得多款韓式前菜，然後就開始第一道松露生牛肉他他，牛肉夠新鮮，帶有陣陣甜味，同黑松露香氣好夾。燒烤有5款肉，由淡味食到濃味，全程都有職員幫手燒烤，可以品嚐晒唔同嘅牛肉部位，每款都各有自身特色。牛舌：牛舌係薄切，但保持到牛舌獨有嘅彈性口感和牛牛肋肉：厚身食落有咬口外裙肉：有我最愛嘅外裙肉，油脂味同牛肉味相當平衡嘅一個部位夏多布里昂：仲有Beef Tenderloin，牛柳中嘅稀少部位，厚身但然好嫩三筋肉：比想像中更肥美，油脂感較突出成晚嘅主角當然就係月見肩芯肉配松露，肩芯肉輕輕燒到半熟，然後職員即席刨上幾片大大塊黑松露，連埋蛋黃同白飯撈埋一齊就食得，香味好突出，牛肉同蛋液混合後顯得更加滑身。最後仲有熱辣辣嘅牛骨湯，可以一洗食咗咁多燒肉之後嘅油膩感。成個冬雪松露美饌套餐編排恰到好處，款式多樣化，環境同服務都值得一讚。