Video
Read full review
2019-12-10
218 views
好多人返深圳都係為左食野，除左啱啱介紹過既椰子雞鍋之外，烤魚都係大眾之選近近地元朗一樣食到高質烤魚架餐廳除左大枱之外都係卡位，非常好坐，2~4人一爐啱啱好對比深圳當然就無咁平，但烤魚價錢都好合理，其他食物一啲都唔貴，重好大份而且店員熱心服務，居然唔使收加一香辣豆花烤魚 配 江團魚 $298 配菜每款$18烤魚既做法係用一個用火熱住既盆，放上烤過既魚然後好似邊爐咁，加入湯底同小量配料(餐廳建議唔好太多，喺4款以內)咁就可以食到最後一啖都重係熱辣辣，而且越食越有味店員非常熱心，會經常注意個爐夠唔夠熱同埋要唔要加湯烤魚既價錢主要係由條魚決定，有江團魚($298)、桂花魚($338)、海鱸魚($268)、清江魚($268)我地揀左店員推介既江團魚，完全無細骨，啖啖都係肉魚肉嫩得黎唔散，魚香味非常突出烤魚調味亦有好多款揀，有辣有唔辣我地點左個中辣既香辣豆花，會喺爐4角各放上一舊厚身既豆腐豆腐滑嫩有豆味，可以試下先食兩舊，剩返兩舊再煮耐啲先慢慢食湯底用正宗四川空運底料做，真係好香，麻就唔算好勁辣度黎講都唔算好勁，中辣都偏向較易入口 (當然係對食得少少辣既人黎講)魚上面除左灑上辣椒同葱花之外，最正係
好多人返深圳都係為左食野，除左啱啱介紹過既椰子雞鍋之外，烤魚都係大眾之選近近地元朗一樣食到高質烤魚架
餐廳除左大枱之外都係卡位，非常好坐，2~4人一爐啱啱好
對比深圳當然就無咁平，但烤魚價錢都好合理，其他食物一啲都唔貴，重好大份而且店員熱心服務，居然唔使收加一
香辣豆花烤魚 配 江團魚 $298 配菜每款$18
烤魚既做法係用一個用火熱住既盆，放上烤過既魚然後好似邊爐咁，加入湯底同小量配料(餐廳建議唔好太多，喺4款以內)
咁就可以食到最後一啖都重係熱辣辣，而且越食越有味
店員非常熱心，會經常注意個爐夠唔夠熱同埋要唔要加湯
烤魚既價錢主要係由條魚決定，有江團魚($298)、桂花魚($338)、海鱸魚($268)、清江魚($268)
我地揀左店員推介既江團魚，完全無細骨，啖啖都係肉
魚肉嫩得黎唔散，魚香味非常突出
烤魚調味亦有好多款揀，有辣有唔辣我地點左個中辣既香辣豆花，會喺爐4角各放上一舊厚身既豆腐
豆腐滑嫩有豆味，可以試下先食兩舊，剩返兩舊再煮耐啲先慢慢食
湯底用正宗四川空運底料做，真係好香，麻就唔算好勁
辣度黎講都唔算好勁，中辣都偏向較易入口 (當然係對食得少少辣既人黎講)
魚上面除左灑上辣椒同葱花之外，最正係有啲脆卜卜既黃豆
魚下面墊左洋葱，真係吸晒所有精華
我地重加左蓮藕，吸味得黎有口感
條魚如果兩個人食都有7分飽，不過我地點會放過餐牌上既其他食物厚燒牛舌串 $36
牛舌好大件，又厚身，一份2串，勁抵食調味類近孜然粉，非常香，厚得黎中間幾淋身，但又不失口感
芥末爽口魚皮 $45
又係勁大份，魚皮多，非常爽脆撈埋既青瓜，芫茜一齊夾黎食，相當開胃
不過都算幾辣下，重辣過條魚，唔食得辣就唔好嗌了
燒茄子 $35
隻燒茄子重大隻過老公隻手，調味非常香，蒜香濃郁不過個皮就燒過龍，基本上剩係可以食啲茄子肉，要扣返分
芒果沙冰 $30
最後介紹返杯解辣之選，少少偏甜既芒果沙冰
平時飲可能嫌佢甜左少少，食辣野就啱啱好啦
Post
