船皇 (謝斐道) (Closed)

冇得去旅行，唯有留係香港食下船面當去咗。今日收工食呢間 “船皇”，店舖唔算好大，但都坐得舒服唔會好逼。Menu 主要係船面同小食，仲有飲品。湯面可以揀大、中、小辣。同埋有四款面可以揀，我揀咗金邊粉。本來想點 “豬肉+豬肉丸+豬潤湯面”，但豬潤賣哂，所以決定要 “牛腩+牛肉片+牛丸湯面”。湯面大大碗，好足料，面量適中食得飽。朋友的 “船皇湯面” 更加豐盛，成碗都係餸。落單時侍應哥哥話，由於冇哂豬潤，船皇湯面其他餸會俾返多 d。另外叫咗一份 “炸豬皮”，只係 $12，非常抵食。每人一杯 “泰仔奶茶”，又滑又香濃，嗰碗仲好有特色。夏日炎炎飲返杯凍奶茶，個人即刻醒神哂。