開餐 (Closed)

書展去唔成，放假想搵個地方食下飯，休息下！咁就過咗嚟佐敦食個午餐！今次過嚟食個兩餸飯！因為佢哋嘅兩餸飯可以有好多種嘅配搭！今次小編做咗樣好大膽嘅嘢！叫咗兩樣好唔啦間嘅嘢！一個係豉椒炒蜆，另外一個係泰式鳳爪！首先講吓炒蜆，炒得都夠熱嘅！而且個汁唔算好辣，而且都幾入味！重點就係d蜆無沙，食落去都好有豉汁味。之後就講吓鳳爪，佢係一個冷盤嚟嘅，都幾大隻下！酸酸地辣辣地，唔錯嘅，如果有少少蘿蔔絲嘅話，咁就可以叫完美啦！佢仲有兩條菜心，都幾新鮮嘅！最後我講吓飲品啦！我叫咗凍檸茶！茶底夠清，而且都幾濃下，都好夠甜！服務態度方面：店員非常禮貌，服務親切！用餐非常愉快！