港原味 (Moved) New Location

喺網上面見到呢間餐廳全店嘅畫作都係由一名外國嘅噴畫家操刀，一直都想去試吓佢哋嘅嘢食同埋去佢哋餐廳度影吓相打卡☺️💓去到果然冇令我失望！老闆話成間鋪頭嘅話都畫左差唔多三個月！😳👏🏼全部都係一幕又一幕嘅香港嘅特色~例如一啲香港嘅街景、帆船同埋香港嘅街市😌每一個角落都好有香港嘅味道！嘢食方面全部都係香港嘅特色嘢食~我哋點左一份常餐，一份蒜蓉炒芥蘭及土魷蒸肉餅飯！ 全部都有茶餐廳嘅感覺，仲有兩杯凍朱古力🍫！菜非常新鮮🥬 亦都好夠鍋氣~ 蒜蓉配搭新鮮嘅芥蘭真係冇得彈！土魷亦都好足料一上枱已經聞到震震嘅香味😋 配飯一流！全店非常之有香港嘅特色，有機會一定會介紹其他朋友仔嚟食！