靚煲皇 (Closed)

麻辣雞煲，夠麻辣香口，啱晒我地男人攞嚟一邊飲啤酒一邊食，食隻雞就叫店員加湯打邊爐，個台山蠔雖然size比唔上美國桶蠔咁大，但比美國桶蠔更加夠鮮蠔味，又唔會食到沙同蠔殼碎，D蠔清洗得幾細心乾淨，個牛胸爽好爽夠牛味，一食落口就成口都係陣牛油香味，正！個雪花肥牛，一上枱有驚喜，仲以為同出面嗰啲打邊爐一樣，係好似佳寶嗰啲一卷卷既牛咁，係就係牛肉，但一啲牛味都冇，呢度既竟然牛味好足，價錢仲好抵，唔係薄薄地一片同一層！仲叫咗個萵筍同埋生根，萵筍配麻辣湯絕配，新鮮清爽嘅萵筍味同香濃嘅麻辣湯味絕配👍👍啲生根吸滿滿嘅湯汁香麻辣湯汁真係超正，呢間打邊爐好食，仲可以坐室外，氣氛好啱同兄弟嚟一路食一路啤啤佢，下次再叫多啲人嚟試埋其他煲底同埋其他菜式✌🏻✌🏻