Video
Read full review
2024-06-24
2376 views
La Taverna 位於尖沙咀，係香港首間意大利餐廳，由1969年創立至今已有多年歷史。呢度不單止係食客嘅天堂，仲係經典電影死亡遊戲嘅取景地。喺呢間歷史悠久嘅餐廳，餐廳仲保留1969年當時嘅裝潢，非常有歷史嘅味道，令人有種走入時光隧道般，返回當時嘅感覺。 Antipasti 前菜Carpaccio di Capesante 香橙魚子醬帶子刺薄片 - $168呢道前菜係以薄身嘅帶子刺身，搭配上魚子醬，再淋上香橙同檸檬油。帶子嘅鮮甜配上魚子醬嘅鹹香，再加上水果油嘅清新，係一個絕妙嘅開胃選擇。Cartaredi Fassona 生牛肉他他 - $188生牛肉他他以Fassona牛肉為主角，伴以火箭菜、帕瑪森芝士片同酸豆。牛肉嘅嫩滑加上芝士嘅濃香，仲有火箭菜嘅微苦，味道層次豐富。Le Pasta 意大利麵Cagloilini Alla Crippa di Vitello 燴牛肚自家製幼麵 - $248呢道菜喺香港只有呢間餐廳先會食到，係一份好古老同傳統嘅意大利菜，佢哋用上自家製嘅幼麵，配上燴得軟綿嘅牛肚，再撒上帕瑪森芝士。牛肚嘅濃郁味道同幼麵嘅彈牙口感相得益彰，每一口都充滿滋味。Caglia
Antipasti 前菜
Carpaccio di Capesante 香橙魚子醬帶子刺薄片 - $168
呢道前菜係以薄身嘅帶子刺身，搭配上魚子醬，再淋上香橙同檸檬油。帶子嘅鮮甜配上魚子醬嘅鹹香，再加上水果油嘅清新，係一個絕妙嘅開胃選擇。
Cartaredi Fassona 生牛肉他他 - $188
生牛肉他他以Fassona牛肉為主角，伴以火箭菜、帕瑪森芝士片同酸豆。牛肉嘅嫩滑加上芝士嘅濃香，仲有火箭菜嘅微苦，味道層次豐富。
Le Pasta 意大利麵
Cagloilini Alla Crippa di Vitello 燴牛肚自家製幼麵 - $248
呢道菜喺香港只有呢間餐廳先會食到，係一份好古老同傳統嘅意大利菜，佢哋用上自家製嘅幼麵，配上燴得軟綿嘅牛肚，再撒上帕瑪森芝士。牛肚嘅濃郁味道同幼麵嘅彈牙口感相得益彰，每一口都充滿滋味。
Cagliatelle Alla Bolognese 招牌和牛肉醬自家製寬麵 - $248
自家製寬麵配上濃郁嘅和牛肉醬，呢道菜絕對係每個意粉愛好者嘅夢想。肉醬嘅香氣四溢，麵條吸滿肉汁，每一口都係滿足。
Le Risotti 意大利飯
Risotto Alla Milanese 番紅花牛膝燴飯 - $268
燴飯配上燉得軟爛嘅牛膝，再添上少許檸檬皮同埋番紅花粉，令整個菜式更為清新。飯粒軟硬適中，每一口都充滿番紅花嘅香氣同牛膝嘅濃郁。
Risotto di Gamberi Rossi 濃汁紅蝦蕃茄燴飯 - $268
呢道紅蝦蕃茄燴飯以濃郁嘅紅蝦湯底煮成，加入紅蝦同蜜漬蕃茄，再添上少許檸檬皮，味道鮮美而且有層次。
Secondi 魚及肉類
Scaloppine al Marsala 意式煎燒雞柳佐瑪沙拉汁 - $288
煎得金黃嘅雞柳配上濃郁嘅瑪沙拉汁，煎到金黃嘅雞肉嫩滑非常，瑪沙拉汁嘅香氣更係令整道菜色香味俱全。
Postulate di Angello la Griglia 蒜香意烤羊架 - $328
意式烤羊架搭配胡蘿蔔泥同瓜卷，羊架肉嫩而多汁，配上微甜嘅胡蘿蔔泥同清新的瓜卷，味道相當出色。
甜品
Cirtaachio Panna Cotta 開心果椰林樹影-$78
呢道甜品係意大利經典嘅奶凍，加入開心果嘅風味，再配上椰子，表面仲加上紅莓醬，最後仲有滿滿嘅開心果碎粒，奶凍口感滑溜，味道因紅莓醬而變得酸甜，而加入開心果令口感變得更豐富，係一個完美嘅飯後甜品。
Ciramisu 提拉米蘇-$88
提拉米蘇係意大利經典甜品，層層堆疊嘅馬斯卡彭芝士同咖啡蘸濕嘅手指餅乾，每一口都充滿香濃嘅咖啡味同幼滑嘅芝士，令人回味無窮。
Post
