J.Co Donuts & Coffee (Closed)

我唔係一個非常好甜品既人，不過我實在抗拒唔到Donut既誘惑，連我自己都唔知點解！平時去旅行我一定會幫襯Krispy Kreme、Mister Donut，仲試過誇張到hand carry帶返黎添。當我知道香港有Donut專門店，仲要將軍澳都開左分店就忍唔住要試試佢，其實買過好多次，係最近先的起心肝寫個review介紹比大家。首先J.Co Donuts個價錢好吸引，其他店講緊係起碼$20 up一個，其次係呢度有超多選擇，大約有15-20款口味，另外仲有mini donut，同埋我特別欣賞佢地使用低糖配方，平時嗰d會食到好漏，未食完一個已經飽左，J.Co Donuts既fillings亦唔會太甜，食多一個都仲得！BTW我覺得咖啡選擇多，味道都唔差，值得一試。