Video
Read full review
2018-07-18
778 views
作為一個專業吃貨，對於每一個國家嘅食物都會接受。最近特別鍾情於印度菜，佢哋嘅菜式味道普遍比較濃烈，甚至有啲辣，就係唔知幾時漸漸愛上左呢種咁偏激嘅味道。由於真係好想食印度菜，於是上網搜尋之下，搵到呢一間餐廳係香港嘅印度菜排行榜上名列前茅，而且評價都唔錯。所以就訂咗枱，星期六下晝帶埋屋企人嚟午餐。呢間餐廳喺亞士厘道樓上，唔算難搵，地下大堂都有標示佢嘅招牌，上到去，佢哋並唔係開放式餐廳，先要拉開一道木門先入到去。環境比感覺上乾淨光亮，大約一點左右上到去，已經坐滿左¾嘅客人，當中有接近一半係印度籍，其餘嘅有外國遊客同埋本港市民。餐牌選擇非常多，淨係咖喱都分為北印度同南印度。雜菜千層煎餅 $75睇個名會幻想好似千層麵嘅菜色，其實佢嘅意思係將千層煎餅切一條條絲，然後撈埋落咖喱雜菜裏面， 所以呢個菜式都幾飽肚，因為都有碳水化合物。唔算好辣，配買洋蔥乳酪醬，可以Max埋一齊中和返，而且個乳酪酸酸地，食落口會更加Fresh。特製薩拉維亞套餐 $90有10款細嘅醬汁食物，中間有米飯，仲配上印度炸餅。呢一個套餐睇落唔算多，但係四個人分享，每人試小小，其實好足夠！👉🏻10款醬汁食物大概有：酸辣湯、辣豆、配菜、
最近特別鍾情於印度菜，佢哋嘅菜式味道普遍比較濃烈，甚至有啲辣，就係唔知幾時漸漸愛上左呢種咁偏激嘅味道。
由於真係好想食印度菜，於是上網搜尋之下，搵到呢一間餐廳係香港嘅印度菜排行榜上名列前茅，而且評價都唔錯。所以就訂咗枱，星期六下晝帶埋屋企人嚟午餐。
呢間餐廳喺亞士厘道樓上，唔算難搵，地下大堂都有標示佢嘅招牌，上到去，佢哋並唔係開放式餐廳，先要拉開一道木門先入到去。
環境比感覺上乾淨光亮，大約一點左右上到去，已經坐滿左¾嘅客人，當中有接近一半係印度籍，其餘嘅有外國遊客同埋本港市民。
餐牌選擇非常多，淨係咖喱都分為北印度同南印度。
雜菜千層煎餅 $75
睇個名會幻想好似千層麵嘅菜色，其實佢嘅意思係將千層煎餅切一條條絲，然後撈埋落咖喱雜菜裏面， 所以呢個菜式都幾飽肚，因為都有碳水化合物。唔算好辣，配買洋蔥乳酪醬，可以Max埋一齊中和返，而且個乳酪酸酸地，食落口會更加Fresh。
雜菜千層煎餅
$75
16 views
0 likes
0 comments
特製薩拉維亞套餐 $90
有10款細嘅醬汁食物，中間有米飯，仲配上印度炸餅。
呢一個套餐睇落唔算多，但係四個人分享，每人試小小，其實好足夠！
👉🏻10款醬汁食物大概有：酸辣湯、辣豆、配菜、印度香料、雜菜扁豆醬、特色印度酸咖喱、乳酪、牛油奶、特製鷹嘴豆酸奶、印度煎薄餅、酸瓜同埋甜品。
其實當我知道佢哋有乜嘢嘅時候，我都分唔清邊一款係邊一款，有啲味道比較相類似，有啲就好啱胃口，當然有啲就未必咁適合個人口味。
當中最難忘嘅一定係甜品，似我哋食嘅椰汁西米布甸同珍多冰嘅混合體，唔會過甜，西米都冇煮到爛晒。
如果講咸嘅，我會鍾意雜菜扁豆醬，有少少咖喱濃香，唔辣。
特製薩拉維亞套餐
$90
17 views
0 likes
0 comments
旁遮普芝士雜菜咖喱 $75
茅屋芝士食得多，不過落埋咖喱裏面都係第一次。
茅屋芝士質感比較實身，味道偏淡，落埋落咖喱裏面嘅作用都係為咗增加口感。呢個咖喱有啲辣，其實主角就係芝士，所謂嘅雜菜，就係得紅辣椒乾、洋蔥、番茄同埋青椒，不過如果食得好辣，呢一個配麵包或者白飯就一流，真係好惹味香濃。
旁遮普芝士雜菜咖喱
$75
18 views
0 likes
0 comments
印度烤餅 $25
淨係講「餅」都已經好多款，我地隨心選擇左Naan，口感似麵包，比較軟熟，唔係脆口。
我哋叫咗原味，所以唔會好油，鹹鹹地，有少少焗爐焦香，點印度嘅醬汁就最好不過！
印度烤餅
$25
21 views
0 likes
0 comments
平日好鍾意食咖喱嘅屋企人，好耐冇食過印度咖喱，都大讚正宗同埋香口！
可能大家都比較鍾情港式或者日本嘅咖喱，往往忽略咗呢種咁濃烈但係惹味嘅地方菜式。
✨✨✨價錢唔貴，老闆服務好好，會為我地介紹每一道食物，環境都好舒適，推介！
Post
