好煮意

Open Now

Now Closed

好少嚟上水呢邊食嘢，趁今日天氣涼涼地，食返個藥膳滋補嘅食品。朋友介紹呢間餐廳醉雞唔錯的，舖頭都算大，座位寬敞，服務員待客友善。✨招牌藥膳醉雞米線 上枱熱辣辣，藥膳湯底濃郁，有木耳和紅棗，醉雞都有5至6件，雞肉嫩滑，唔會鞋口，食得出有藥材和花雕酒味，藥膳湯底放入米線，米線索曬啲湯滋補又好食。✨鮮蝦雲吞雞湯河粉一碗有5粒雲吞，手工包製，虾仁和豬肉比例啱啱好，皮薄餡多，每粒都脹卜卜，雞湯湯底鮮甜，河粉順滑。✨青檸梳打青檸梳打酸酸地，味道清新。✨凍菊花蜜菊花清肝明目，唔會太甜。