Luna Cake (Closed)

男友生日，今年太忙冇買生日禮物，唔係藉口忙唔買，而係買份有heart，實用，對方會用同鍾意，真係唔係甘簡單～希望準備一個大餐同個好食嘅蛋糕啦～上網推介話個隻Luna cake d芝士蛋糕唔錯，就決定去觀塘買先！雖然舖仔細細，Menu有好多選擇，不過～味道就唔係好齊貨，如果要特定口味，我建議早幾日打定電話去訂先～有朱古力呀，綠茶呀，芒果等等～不過，我最想試嘅始終都係原味～包裝係一個小圓木盒，蛋糕用膠紙封住～呢度係冇寫祝福嘅service ，不過可以喺店度買朱古力筆自己番去寫，以下嘅朱古力字係本人嘅杰作～不過有d難寫，因為個cake面有粉末d字食唔實，好易成個字母飛番出黎～至於味道呢～我同男友好讚好（仲爭食蛋糕添）芝士味好香，蛋糕好香滑，呢個蛋糕有2種唔同口感嘅食法，可以雪喺冰格，溶少少當雪糕質地食，又可以放入雪櫃普通果格，軟滑林身好creamy甘食！不過比較之下，方法一會冇甘膩，好食D！$188，小貴啦，我見其他品牌嘅同類型cake都平d，甘至於其他好冇食我就唔知，下次試下其他比併一下先！