船皇 (厚福街) (Closed)

星期六同朋友睇完戲，又行左去厚福街搵野食。其實條街都幾多唔同既野食選擇，有魚生飯，米線，西餐，泰國野，茶餐廳等等。因為頗長一段時間都無食泰國野啦，所以就去左船皇食泰式粉麵。佢選擇都幾多下，有唔同配搭既粉麵，串燒，小食同泰式飲品。因為見佢而家有個升級和牛既優惠，所以我地叫左一個船皇湯麵升級和牛，同埋一啲小食share。船皇湯麵我地揀左河粉同升級淨和牛。河粉大大塊，唔係平時食開一條條好整齊個啲，厚身又軟滑，不過有少少難夾起身。湯底好濃，平時我食泰式湯麵都鐘意自己再落醋或者其他調味料，但呢個本身就好夠味，正！和牛方面相對失色左少少，雖然佢本身都好軟滑，唔會起渣，但因為湯底濃味既關係，其實唔係太食到佢牛肉既香味。串燒牛舌燒得剛剛好，而且又係厚切，口感十分好，又香口，又彈牙。泰妹雞翼炸得好香脆，雞肉都仲係幾嫩滑。切開左單骨一條咁樣，比較容易進食。秘醬通菜係後加既，因為落單之後突然見到佢牆面有呢個菜，就馬上加左～我本身已經好鐘意食通菜，佢既醬好似有啲蒜蓉，柑橘類既果汁之類，仲有啲魚露，十分開胃又惹味！飲品方面，我地叫左一個凍泰式奶茶，同埋凍柚子檸檬梳打。呢間餐廳比較特別，係用碗上，而且凍奶茶係唔會