Video
Read full review
2020-11-07
27 views
唔鍾意食飯嘅我但又想食飽肚啲～就出左市中心搵下有冇拉麵食🍜行下行下俾我見到呢間誠拉麵～.呢間鋪嘅裝修唔係好浮誇或者係好打卡feel係行樸實裝修嘅一入鋪頭會聞到好香嘅豬骨湯味😋咁我最後就叫左個拉麵套餐～揀左白豚骨拉麵+明太子手羽+鹽燒雞軟骨一碗拉麵嘅精髓就係個湯底，而看似愈簡單嘅湯底就愈考師傅功架，所以我食拉麵一定會先試個湯底❤️呢個白豚骨湯底，比我想像中香濃食得出同一般豬骨湯有唔同，應該係有用埋豬筒骨先至會做到咁香濃嘅味道😋而拉麵嘅口感剛好，唔會話煮到太「林」係保留有少少咬口，湯汁亦都掛到喺麵度加埋烘烤過嘅芝麻，好味👍🏻半熟蛋熟度亦控制得宜，流心得黎仲好滑🥰而兩片叉燒個邊都燒過，好惹味不過如果可以再煮「林」少少會更好而明太子手羽都唔錯☺️雞翼外層香脆，而內裡嘅明太子份量亦多，正👍🏻雞軟骨調味ok，但略微燒得唔夠，再燒耐少少會更惹味.整體黎講，呢個套餐好抵食，平時可能就咁叫碗拉麵都要呢個價錢，下次有機會想試埋個沾麵😋🍜
就出左市中心搵下有冇拉麵食🍜
行下行下俾我見到呢間誠拉麵～
.
呢間鋪嘅裝修唔係好浮誇或者係好打卡feel
係行樸實裝修嘅
一入鋪頭會聞到好香嘅豬骨湯味😋
咁我最後就叫左個拉麵套餐～
揀左白豚骨拉麵+明太子手羽+鹽燒雞軟骨
一碗拉麵嘅精髓就係個湯底，而看似愈簡單嘅湯底就愈考師傅功架，所以我食拉麵一定會先試個湯底❤️
呢個白豚骨湯底，比我想像中香濃
食得出同一般豬骨湯有唔同，應該係有用埋豬筒骨
先至會做到咁香濃嘅味道😋
而拉麵嘅口感剛好，唔會話煮到太「林」
係保留有少少咬口，湯汁亦都掛到喺麵度
加埋烘烤過嘅芝麻，好味👍🏻
半熟蛋熟度亦控制得宜，流心得黎仲好滑🥰
而兩片叉燒個邊都燒過，好惹味
不過如果可以再煮「林」少少會更好
而明太子手羽都唔錯☺️
雞翼外層香脆，而內裡嘅明太子份量亦多，正👍🏻
雞軟骨調味ok，但略微燒得唔夠，再燒耐少少會更惹味
.
整體黎講，呢個套餐好抵食，平時可能就咁叫碗拉麵都要呢個價錢，下次有機會想試埋個沾麵😋🍜
Post
