YumMee (K11 Musea)

Open Now

Now Closed

我嘅目標就係食晒全香港嘅船麵🥰 今日經過K11 Musea終於有機會食到YumMee。諗都唔洗諗，叫咗一份牛腩船麵。就咁睇落去個湯嘅顏色好深色，飲落去果然冇令我失望，相當重口味😚 與其話係湯麵，其實有少少似撈麵，湯汁濃厚，掛滿晒喺每一條麵條。配料豬皮牛丸同牛腩都唔錯，尤其係牛腩炆得軟稔，亦都幾入味。而叫咗肉骨茶係我鍾意嘅口味！香濃但順口嘅藥材味，入口唔會過份鮮辣，餘韻係微微甘甜味。泰式串燒既靈魂就係沙嗲醬汁，令味道更上一層樓，呢個價錢黎講幾抵食。芒果糯米飯椰汁味唔算特別濃郁，比預期中淡；而芒果糯米糍係雪凍咗嘅，份量都幾多，餡料同糯米皮嘅比例都幾好，略嫌芒果可以再甜D，其他嘢都不錯🙈