Video
Read full review
2018-05-27
60 views
自從上次去過一間工廠大廈嚐過美食後，我同朋友開始周圍發掘各式設立係工廠區既餐廳。今次好幸運俾我地係觀塘區揾到間高質餐廳，主打韓式料理，炸雞，烤肉拼盤，泡菜鍋樣樣齊！如果鐘意食韓國菜既朋友就唔好錯過啦😆環境舒適寬敞，牆上掛滿充滿特色既海報。究竟食炸雞定烤雞好呢🤤-行完街攰到爆，當然第一時間嗌左野飲先！一樽士多啤梨特飲($78)，已經足夠3-4個人Happy Share。入面仲有士多啤梨，藍莓同檸檬片作配料，成件事好清新。飲落似有氣既士多啤梨味既汽水🍓冰涼爽快！博多明太子蛋卷滿滿蛋香，包裹住明太子，配上沙律醬。明太子份量慷慨～主角出場，芝士高麗醬烤雞($68)等我影完相後，店員會即席將芝士，洋蔥同雞肉混合，食落去啖啖芝士，岩曬芝士控。香濃芝士，加埋本身雞肉外層都已經有一層高麗醬，味道層次豐富。拉絲～忌廉南瓜年糕($62)年糕口感煙韌，配上忌廉南瓜醬汁同煙肉碎，好好食，個口感不得了。雖然味道唔算驚為天人，但都相當唔錯，當中我最鐘意就係烤雞，醬汁好惹味。而且價錢親民，值得一試👍🏻
環境舒適寬敞，牆上掛滿充滿特色既海報。
究竟食炸雞定烤雞好呢🤤
-
行完街攰到爆，當然第一時間嗌左野飲先！
一樽士多啤梨特飲($78)，已經足夠3-4個人Happy Share。入面仲有士多啤梨，藍莓同檸檬片作配料，成件事好清新。飲落似有氣既士多啤梨味既汽水🍓冰涼爽快！
博多明太子蛋卷
滿滿蛋香，包裹住明太子，配上沙律醬。
明太子份量慷慨～
主角出場，芝士高麗醬烤雞($68)
等我影完相後，店員會即席將芝士，洋蔥同雞肉混合，食落去啖啖芝士，岩曬芝士控。香濃芝士，加埋本身雞肉外層都已經有一層高麗醬，味道層次豐富。
拉絲～
忌廉南瓜年糕($62)
年糕口感煙韌，配上忌廉南瓜醬汁同煙肉碎，好好食，個口感不得了。
雖然味道唔算驚為天人，但都相當唔錯，當中我最鐘意就係烤雞，醬汁好惹味。而且價錢親民，值得一試👍🏻
Post
