茶芝味 (Closed)

茶芝味有水果茶同芝士奶蓋，今日發現多咗幾款新茶底選擇：法國花茶、伯爵茶、波士頓同蒙蘿麗莎。問店員先知，蒙蘿麗莎係士多啤梨果茶。左邊：芝士奶蓋伯爵茶右邊：芝士奶蓋桃香烏龍揀咗一杯 M size 芝士奶蓋桃香烏龍（$30）走甜走冰 + 一杯 M size 芝士奶蓋伯爵茶（$30）走冰走甜。雖然走冰，但茶温好夠凍，無冰承托住奶蓋，奶蓋仍然好堅挺，奶蓋有軟雪糕嘅質地，帶有芝士鹹香，建議拎開杯蓋飲，會更加方便飲到奶蓋。先飲到厚實嘅奶蓋，之後飲到香濃無糖嘅伯爵茶，味道對比強烈，不會有膩感，如果鍾意飲茶嘅朋友，可以嘗試下伯爵茶，第一次飲伯爵茶底，好有驚喜。芝士奶蓋桃香烏龍桃香烏龍茶底，味道香甜，適合配搭水果，做水果茶，配芝士奶蓋就無咁夾。