金撈老鴨湯刺身火鍋專門店 (Closed)

呢間火鍋店地點唔容易搵，喺佐敦渡船角八文樓附近，好在以往都有帶3兄弟去開油麻地狗公園，對果頭都有啲認識，所以好快就搵到了。佢離地鐵站比較遠，自己揸車黎比較好一啲。呢度出名老鴨湯底，招牌更係加上松草花、素翅、杞子等嘅藥材，而新推出則有極品松茸老鴨湯，亦係上佳之選。但喺我苦惱緊嘅時候，比我聞到一陣濃郁嘅蕃茄味，原來係侍應剛攞住個蕃茄薯仔鍋經過我旁，我作為一個蕃茄控，就比佢吸引左去叫蕃茄薯仔湯底了。下次再試個老鴨湯底先。火鍋配料方面，海鮮、肉類、菜類幾種都有多款選擇，丸類更寫明「自家功夫手打」，真係樣樣都想試呀。見到呢個澳洲頂級M9和牛刺身優惠價只係$198，講到入口即溶，可惜我唔係叫招牌湯底，正價$368好似貴左少少，咁唯有留番下次試老鴨湯底再叫佢啦。先黎一盤醬料，可以混出自己鍾意嘅味道。呢個蕃茄薯仔湯底同平時嘅蕃茄湯底唔同，佢係用茄膏淆製，茄味特別濃厚，所以我先飲湯，後打邊爐就啱晒啦。有啲食肆對雲吞、水餃等食材都會選擇買現成的，但呢度卻堅持自家製作，保証食品質素及新鮮，認真抵讚都係自家手打，花枝滑夠晒彈牙爽口。極品牛舌心雖然唔係厚切，但勝在牛味十足，而且掌握好淥佢嘅時間，肉質又唔會太韌，