RuRu Tapas Restaurant (Closed)

平時喺大角咀做野，見到呢度開咗間新嘅西班牙菜😍想換過口味，當然要一試！店舖嘅裝修好新淨，環境坐得好舒適~而且我哋試咗佢哋幾樣餸，都好有特色👍首先上枱嘅係西班牙炸薯仔，薯仔炸得香脆，而且上邊仲有少少秘製嘅醬汁，野味嘅辣椒醬，令我對呢個簡單嘅菜式刮目相看。另外嘅我哋試咗下佢哋嘅西班牙🍅雜菜湯，酸酸地，蕃茄嘅湯底好開胃。佢哋嘅西班牙紅蝦飯🍚好好味，廚師都有悉心咁提醒我哋將蝦頭嘅醬汁壓開之後，撈埋個飯再食。因為🦐蝦膏好鮮甜，所以個飯好有咬口，非常好味。