Video
Read full review
2018-12-22
65 views
今日約左未來奶奶食飯，我地中午都唔鍾意食太多同太heavy既野，所以揀左餃子店，最適合當午餐或下午茶啦😋由地鐵站行過黎都唔算好遠，餐廳就喺喜盈對面，附近比較多舊式茶餐廳，呢間餐廳帶少少工業風所以特別顯眼。餐廳裏面都係用水泥風格既牆，唔算好多位，一邊係對牆既座位另一邊就有四張檯左右。餐牌主要有主打既餃子🥟啦，仲有幾款麵同小食。餃子全部都係人手包，我地仲見姨姨坐喺一邊包餃子，企理乾淨。餃子有分湯餃同煎餃，仲有期間限定，今次既限定就係西洋菜豬肉餃子。我地叫左雙拼餃子，一個係西洋菜豬肉，另一個係京蔥羊肉。豬肉餃好足料，食落去啖啖菜同肉，皮又薄👍🏼羊肉好重羊味，但又唔會好羶，只係京蔥切得比較大粒，鍾意食羊既你可以一試😝$38就有8隻，仲可以雙拼，性價比十分高👍🏼👍🏼👍🏼湯底用左蕃茄薯仔魚尾湯，比較鮮甜，同餃子都幾夾！我地仲叫左醉雞麵($40)，醉雞既酒味都幾重，雞肉都算滑嫩。而麵就用左自家製雞湯做湯底，雞味唔算好重但配麵都唔錯。麵可以揀米粉，米線或者台灣麵，姨姨推介我地試下台灣麵，比較特別同好味，麵既口感都唔錯，同米線有少少相似，大家都可以試下😋麻辣雞腎($24)出乎意料地好味，麻辣唔算好辣但花
餐牌主要有主打既餃子🥟啦，仲有幾款麵同小食。餃子全部都係人手包，我地仲見姨姨坐喺一邊包餃子，企理乾淨。餃子有分湯餃同煎餃，仲有期間限定，今次既限定就係西洋菜豬肉餃子。
我地叫左雙拼餃子，一個係西洋菜豬肉，另一個係京蔥羊肉。豬肉餃好足料，食落去啖啖菜同肉，皮又薄👍🏼羊肉好重羊味，但又唔會好羶，只係京蔥切得比較大粒，鍾意食羊既你可以一試😝$38就有8隻，仲可以雙拼，性價比十分高👍🏼👍🏼👍🏼湯底用左蕃茄薯仔魚尾湯，比較鮮甜，同餃子都幾夾！
西洋菜豬肉拼京蔥羊肉餃
$38
8 views
0 likes
0 comments
我地仲叫左醉雞麵($40)，醉雞既酒味都幾重，雞肉都算滑嫩。而麵就用左自家製雞湯做湯底，雞味唔算好重但配麵都唔錯。麵可以揀米粉，米線或者台灣麵，姨姨推介我地試下台灣麵，比較特別同好味，麵既口感都唔錯，同米線有少少相似，大家都可以試下😋
醉雞麵
$40
15 views
0 likes
0 comments
麻辣雞腎($24)出乎意料地好味，麻辣唔算好辣但花椒味相當突出，有驚喜！雞腎亦相當有咬口，作為前菜十分開胃，配麵一流👏🏻
麻辣雞腎
$24
11 views
0 likes
0 comments
以小店黎講，非常抵食，兩個人埋單都係百幾，有呢個質素相當唔錯，下次有機會都會再黎試
Post
