博多拉麵別天神 (Closed)

晏晝食得太飽，夜晚唔想太heavy~食個拉麵就啱啱好😆。呢度店鋪細細大約有十個八個位，幾有日式風味。買野食就可以起門口果部機度，用八達通比錢都幾方便。✨拉麵有兩款，分別係豚骨湯同蝦味噌豚骨湯。我地叫左兩款套餐，配小食同埋會多左隻半熟蛋。✨先黎個跟餐小龍蝦蟹籽沙律，食落啖啖小龍蝦肉，肉質好爽彈～包埋紫菜食仲正ar😍✨豚骨湯拉麵：奶白色既湯底，豚骨味清得黎好香，飲落有d 奶味既感覺。拉麵麵質啱啱好，軟硬適中，幾鍾意佢勁多蔥，加埋個湯食落更加香。✨叉燒有三大塊，雖然係偏瘦，但食落爽口同埋夠淋，佢既拉麵同湯底，無平時食到覺得好漏既感覺。✨蝦味湯底更加正，係豚骨湯既升級版😍超多櫻花蝦味勁香ar🤩一路食係咁飲，蝦味幾濃。呢款配料就有粟米， 半熟蛋都好軟滑，好好味。✨餃子見佢用焗既方式烹調，所以個底唔會好脆，不過就啱晒我唔鍾意食熱氣野🤣個皮好薄，饀料唔錯幾好食嫁。