博多拉麵別天神 (Closed)

今晚唔想食得太heavy~所以就諗住簡單食個拉麵。北角呢間分店都幾多人，店鋪細細大約有十個八個位，不過都好快有位。買野食就可以起門口果部機度，用八達通比錢都幾方便。✨拉麵套餐有兩款，分別係豚骨湯同蝦味噌豚骨湯，比就咁散叫多左隻溏心蛋。另外仲配餃子4隻or 小龍蝦蟹籽沙律。✨先黎個跟餐小龍蝦蟹籽沙律，食落啖啖小龍蝦肉，肉質好爽彈～仲有少少 wasabi 味，包埋紫菜食好正✨豚骨湯麵：奶白色既湯底，豚骨味香而不膩，飲落有d 奶味既感覺。拉麵麵質啱啱好，軟硬適中，幾鍾意佢加左勁多蔥，加埋蒜蓉落個湯度食就更加香，溏心蛋都好軟滑。✨叉燒有三大塊，雖然肉質偏瘦，但食落爽口無平時既拉麵咁漏。✨蝦味噌豚骨湯麵：雖然豚骨湯都好正，但個人食開濃味野，更加鍾意蝦湯底。呢個拉麵勁多櫻花蝦🤩個湯蝦味幾濃，呢款配料仲有香甜粟米。✨餃子:皮薄饀靚，外皮有少少脆唔會太熱氣，啱我✨加分位係有tempo 紙巾😆好dum 本啊