繼光香香雞 (卓爾廣場) (Closed)

食炸雞平時都係好是旦咁去KFC就算，好少話搵間小食店嚟食，因為多數小食店店面都唔算大，買咗都唔知係邊到食好~ 今日因為工作原因路經屯門嘅卓爾廣場，一入商場就見到間台式炸雞店「繼光香香雞」，店面都幾大下，望落環境乾淨企理，仲有好寬闊嘅企位食野，所以就去咗試~ 🧡香香炸雞( L )+ 海苔樂薯（$49）炸雞好出色！肉質Juicy唔柴口，調味剛好唔死鹹，炸得脆口唔過龍，正！ 薯條炸得脆口，食完唔會覺得好油膩！個人覺得如果有得配埋茄汁會更好，不過只係自己食慣~ 🧡酸甜炸脆魷 + 蒜脆杏鮑菇（$49）炸魷配杏鮑菇依個組合無得輸！ 魷魚味好出，鮮味十足，炸得好香脆，配酸甜汁食好似泰國菜咁，超正！ 杏鮑菇好juicy，一口其他炸物之後食一口杏鮑菇，唔飲野都唔會覺得口渴，食落好舒服，調味同樣出色！ 🧡格蕾鮮奶茶（$16）奶茶係台式奶茶嗰種，甜度剛剛好，配埋炸物一齊好夾！ 整體來講，炸物都係得好出色，香脆唔油膩，調味足又唔過龍，價錢都好合理，係炸物小食嘅好選擇！ 另外，佢哋依家仲做緊限時優惠，由1月7號至2月6號有7款套餐都減價，最多減$10，經開嘅朋友真係唔好錯過ar~