三多

Open Now

Now Closed

前排去台灣旅行, 晚晚都去夜市, 食唔停口。其中一樣喺夜市中最吸引我嘅就係炸雞排！今日就專登嚟到三多嘅大埔總店, 試試香港有名嘅生炸雞髀。提提你呢度係夜晚六點鐘先開門㗎！我地嚟到啱啱開, 已經有唔少街坊嚟幫襯。 由於雞髀係生炸, 而且係即叫即炸, 點完餐就要耐心等一陣啦。炸雞髀送上！ 大大件雞髀炸到金黃色, 賣相十分吸引。趁熱馬上咬一口, OMG！雞扒外層係脆到出聲！酥脆程度完全令人意想不到, 肉質保持嫩滑, 仲有肉汁流出, 真係好食到不得了！