德意餐廳 (Closed)

來到大埔，見到有一間舖頭仔，招牌上既布都仲未拆，門口貼著新開業期間不收服務費，即刻就吸引了我地既眼光，就決定去試試佢！入到去先發覺原來係食德國菜正啊！我地叫咗個2人套餐，本身驚唔夠食就叫多咗個甜品，點知最後飽到痴線，食剩咗少少-最先上菜既係是日餐湯配蒜蓉包，餐湯有好濃烈既蘑菇味，完全符合我呢個蘑菇愛好者既口味加上適量黑椒調味，令到蘑菇味更加突出雖然係好大既一碗但我都忍唔住成碗清晒~蒜蓉包外脆內軟，滿意跟住就到小食既墨西哥脆片，份量多又脆又香口，配埋莎莎醬同牛油果醬十分之開胃，搞到我地食極都唔停配埋啤酒真係一流！如果再加多個芝士醬就好了~~之後就到煙三文魚芝士薄餅餅底薄薄的好脆好易入口，煙三文魚都好鮮美，搭配上芝士味道都唔錯，中和晒煙三文魚既鹹味！賣相都好CUTE CUTE然後就到重點推介德國咸豬手豬手係原隻上比想像中大舊，豬皮脆得黎又煙韌，肉質又嫩滑啖啖肉真係好鬼死正，配埋隔離個個醬汁真係食到停唔到口旁邊既薯蓉勁重薯仔味，又香滑又嫩口，配埋酸酸地既酸菜正啊幾道菜都十分之高質，呢個價錢黎講我地都好滿意，希望下次可以再去試下散嗌其他食物！例如係德國香腸講起德國就會諗起香腸，但我一次都未食過