莆田 (形點 I)

Open Now

Now Closed

清蒸大閘蟹🦀蟹公嘅蟹膏又綿又香，清蒸食原汁原味～蟹黃炒米粉🥢賣相同莆田平時嘅興化炒米粉差唔多，都係有蝦仁、豬肉、冬菇等配料，十分足料惹味，唔同嘅地方當然就係多咗啲蟹黃，會見到米粉之中夾雜住一粒粒橙色嘅蟹黃🟠福建特色紅糟鰻🐟燒鰻魚蒸鰻魚都食得多，炸鰻魚就比較特別，外皮炸到脆卜卜，鰻魚肉保持到濕潤彈性👍閩南五香卷🥢新出嘅五香卷係用豆皮包住肉餡同埋馬蹄再拎去炸，好香口燕皮扁肉湯🥣砂鍋黃花魚湯有原條黃花魚同埋好多舊豆腐，夠足料！值得一提嘅係餐牌會標示清楚部份例牌有幾多件、中份有幾多件、鰻魚有幾重等等，預食物份量都容易啲～