肥姐蠔餅婆

Open Now

Now Closed

食完晚飯，得七成飽， 就諗住去食宵夜。行下行下， 未諗到食乜， 就見到肥姐蠔餅婆！ 係喎， 呢間嘢好出名㗎！ 我哋都未食過，於是就去幫襯。佢係即叫即做嘅，好彩唔算多人， 所以唔使等好耐就有得食。我地就咁喺佢店門口張枱食（企位ONLY）。 一份35蚊， 唔算好大個， 但好足料 。粉漿唔算好厚而係比較薄脆，同埋蠔仔份量唔少，幾乎每啖都食到蠔仔嘅肉， 熱辣辣又好味道！好正！於是乎好快就食曬啦， 呢個咁酥脆嘅蠔餅我真係好推介 ！聽講平時好多人等㗎，如果多人等嘅時候我就可能要諗諗，因為堂食始終要企喺度食都唔係太方便嘅。