新記芝士麵 (Closed)

之前食左幾次豬頸肉，今次叫左雞翼雞扒芝士撈面，兩隻翼一塊細雞扒完全俾啲芝士汁蓋住，啲野仲出緊煙，芝士汁保持水準，好濃好杰身，食落好香，掛面剛剛好呀，個雞扒炸到乾身，但肉質好滑，仲有啲甜味，完全係我杯茶，雞翼都隻到外層好脆，但肉層乾少少，可能因為細隻無咩油份，但同樣好味，估唔到好食過豬頸肉呀。但美中不足係個面有米粉夾雜住，以為得一兩條，但面底下有十仲幾條，有點影響質感，而且$58一個面相對比較貴，所以間中食下就好啦，食完勁飽。